Við fengum góðan gest til okkar á janúarfundinn. Það var hún Margrét Kjartansdóttir sem kom í heimsókn og sagði frá sínu lífi á Indlandi og sýndi litskrúðugar og skemmtilegar myndir af mannlífinu þar sem hún bjó á árunum 2013 til 2019. Eftir erindið sýndi hún og seldi okkur hágæða ullar- og silkiskjöl frá Indlandi en 20% af andvirði sölu kvöldsins fór til klúbbsins. Þær sem vilja skoða meira geta farið inn á https://indversksjol.is/
Það var góð mæting á jólafund Árbæjarklúbbs en 36 systur voru mættar. Skemmtinefndin átti veg og vanda að undurbúningi. Maturinn kom frá Sælkerabúðinni, gjafir voru á borðum frá velunnurum og Petrína prestur flutti hugvekju. Góður tími gafst einnig fyrir spjall og samveru sem er alltaf mikilvægt. Fundarstörfin voru á sínum stað. Fjáraflanir haustsins hafa gengið vel og tók Petrína við Krónukortum frá klúbbnum sem prestarnir munu koma til kvenna í hverfinu sem á þurfa að halda fyrir jólin. Síðan var sungið saman í lok fundar. Yndisleg samvera og hátíðleg. Gleðileg jól 
Klúbburinn okkar samþykkti að taka þátt í að sjá um Alzheimerkaffi sem haldið er mánaðarlega fyrir alzheimersjúklinga og aðstandendur þeirra í Hæðargarði. Vel gekk og hafði Guðrún Helga náð í gott bakkelsi frá velunnurum sem vildu styrkja starfið. Svo margir klúbbar eru að taka þátt að hver klúbbur mun sjá um einn fund á ári. Gott og gefandi eins og allt sem tengist störfum Soroptimista.
Hér fyrir neðan er mynd að okkar konum sem áttu veg og vanda af kaffinu í þetta sinn. Þær voru reyndar sex talsins en á myndina vantar Kristínu Höllu. Frá vinstri talið eru þetta þær Kristjana, Guðrún Helga, Valborg, Svanhildur og Guðrún Gunnarsd.
Á október fundinum við Þorstein Gunnar Bjarnason frá Gleðismiðjunni til að fara með okkur í hláturjoga.
Það var alveg frábært! Fórum í alls konar leiki og æfingar og fengum hvert hláturkastið á
fætur öðru. Alltaf gaman að gera eittvað öðruvísi og fara aðeins út fyrir kassann. Við höfðum sannarlega gott af því.
