Hefð hefur verið fyrir því að Árbæjarklúbbur ber veg og vanda að kaffiveitingum í messu sem tileinkuð öldruðum á uppstigningardegi. Þetta er alltaf ánægjulegt og gefandi verkefni, þar sem klúbbsystur skipta með sér að útvega veitingar, flestar útbúa þær sjálfar, og einnig að standa vaktina á meðan á kaffisamsætinu stendur. 

Að venju vorum við með blómasölu fyrir páskana. Við vorum með gula túlípana sem gengu vel út. Blómasölunni hefur alla jafna verið vel tekið og reynst okkur ábatasöm fjáröflun. Svo er líka svo gaman að dreifa svona fallegum blómum um borg og bý. 

Á febrúarfundinum tókum við inn nýja systur, Sólveigu Ingibjörgu Reynisdóttur, sem Arna Hrönn kynnti. Við bjóðum hana velkomna í klúbbinn! Auk þess að færa henni næluna og kertastjakann sagði Valborg formaður stuttlega frá klúbbnum okkar og Soroptimistasambandinu.

Margrét Lilja Vilmundardóttir prestur í Fríkirkjunni í Hafnarfirði hélt erindi um sjálfsmildi. Einstaklega fallegt þar sem m.a. kom fram að við megum ekki gleyma að elska okkur sjálfar, þá er auðveldara að elska aðra og að takast á við miserfið verkefni.