Þar sem  býður Blátt áfram stúlkum upp á námskeið  Heimasíða verkefnisins í Svíþjóð er http://www.bellanet.se/en/
Stúlkur á Norðurlöndum verða í síauknum mæli fyrir kynferðislegri áreitni. Soroptimistaklúbbur Árbæjar ákvað að aðstoða félagsmiðstöðina í Árbæ með styrkupphæð upp á 50.000 kr. til að nota fyrir starfsmenn til að sækja leiðbeinendanámskeið hjá samtökunum Blátt áfram, sem býður upp á námskeið í styrkingu á sjálfsmynd og sjálfsvirðingu ungra stúlkna.  Í dag stýra starfsmenn félagsmiðstöðvarinnar hópum unglingsstúlkna frá 13 ára aldri, efla þær og stuðla að aukinni sjálfsvirðingu og draga úr áhættuþáttum er varðar heilsu, heilbrigði, kynheilbrigði, áfengi og önnur vímuefni.
  

BellaNet - skýrsla verkefnastjóra

Soroptimistaklúbbur Árbæjar hefur í mörg ár styrkt mæður og ung börn þeirra, auk fullorðinna eldri kvenna í Árbæjarhverfi með peningagjöf fyrir hver jól. Þörfin er mikil og hefur það sýnt sig að hún hefur ekki farið minnkandi. Fyrst um sinn sinntum við eingöngu einstæðum mæðrum með matarkörfum, en höfum undanfarin 3 ár einnig styrkt einstæðar konur á öllum aldri, óháð því hvort börn eru á heimilinu eða ekki.
Í dag er það þannig að Klúbburinn kaupir inneignakort af versluninni Krónunni og hefur verslunin gefið okkur 4 inneignarkort á móti, sem við afhendum sóknarpresti Árbæjarsóknar, sem kemur kortunum til þeirra er mest þurfa.
    

Jólaaðstoð 2019 - skýrsla verkefnastjóra

Soroptimistaklúbbur Árbæjar styrkir Menntunarsjóð Mæðrastyrksnefndar um 500.000 kr. á ári í 3 ár. Klúbburinn vildi efla menntun kvenna, til að þær kæmust úr fjötrum fátæktar. Þær konur sem fá þessa styrki eru oft 3ja kynslóð ómenntaðra kvenna sem hafa eingöngu aðgengi að láglaunastörfum.
Með árlegu vinkvennakvöldi Soroptimistaklúbbs Árbæjar hefur safnast góður sjóður sem við nýtum í þetta verkefni. Fyrsta árið, 2017, kom formaður sjóðsins, Guðríður Sigurðardóttir og kynnti verkefnið, tilgang þess og árangur fram til þessa, fyrir soroptimistakonum og gestum þeirra. 
     

Menntunarsjóður - skýrsla verkefnastjóra

Soroptimistaklúbbur Árbæjar hefur árlega styrkt eitt barn í SOS barna þorpi á Indlandi til menntunar og betri lífs. Með þessari aðstoð stuðlum við að auknu jafnrétti til handa stúlkum á Indlandi þar sem menntun er undirstaða betra lífs.
Stúlkan sem naut góðs af verkefninu, Shawo Tsomo, er mjög þakklát fyrir þann stuðning sem hún hefur fengið frá Íslandi. Það hefur gert henni kleift að mennta sig. Hún er nú í sjálfstæðri búsetu á stúdentagörðum og stefnir á að ljúka hjúkrunarnáminu innan 2ja ára.
      

SOS barn - skýrsla verkefnastjóra