Síðasta bókasending fyrir jól

Líkt og ávallt mun smá glaðningur fylga með frá okkur Soroptimistasystrum og að þessu sinni eru það smákökur.

Kær kveðja frá Beggu og Bryndísi í bókasendingarnefnd

Síðasta myndir frá Lone Anders Madsen í Ittoqqortoormiit - Október 2020

Í bókanefnd eru:  Bergljót Sigurðardóttir og Bryndís Þórhallsdóttir

Bókaútburður 2020-2021

ATH!  21. apríl er borið út á miðvikudegi  (daginn fyrir Sumardaginn fyrsta)

           16. júní er er borið út á miðvikudegi (daginn fyrir Þjóðhátíðardaginn)

Grænlandsverkefni byrjað  

(Smellið á slóðina að ofan til að sjá glærukynningu um verkefnið)

Bókaútburður Akureyrarsystra

Undanfarin 30 ár hefur það verið aðalstarf okkar Akureyrar-systra að annast heimsendingar á bókum og hljóðbókum til sjúkra og aldraðra á Akureyri.  Í upphafi var ætlun okkar að vinna að málefnum aldraðra. Fyrst á hjúkrunarheimilinu Seli vorum við að naglhreinsa, sópuðum auk hinna ýmsu verka og síðan saumuðum við gluggatjöld fyrir stofnunina. Þetta verkefni tók enda og finna þurfti nýtt. 

Hólmfríður Andersdóttir bókavörður á Amtbókasafninu fékk þessa góðu hugmynd og allar systur tilbúnar í verkefnið. Fyrstu 23 árin voru vikulegar sendingar en svo breyttist fyrirkomulagið og farið er aðra hverja viku. Tvær systur fara í hvert sinn með um það bil 15 bókapoka sem starfsfólk Amtsbókasafnsins hefur tekið til og skipt á milli okkar. 

Alltaf er farið, vetur, sumar, vor og haust í stormi og stórhríð, logni og blíðu. Aðeins einu sinni á þessum 30 árum hefur útburði verið frestað til næsta dags vegna stórhríðar. Ekki eru ferðirnar alltaf auðveldar. Systur hafa lent í reiðum hundum, fest bílana í sköflum, setið fastar á girðingum við að stytta sér okkur leið milli húsa og svona mætti telja.

Skilyrði þess að fá bækur sendar heim er að fólk komist ekki á safnið eða eigi mjög erfitt með það. Skjólstæðingar okkar eru oftar en ekki einstæðingar, misvel á sig komnir. Það hefur komið fyrir oftar en einu sinni að systur hafi þurft að hringja á sjúkrabíl þegar þær komu með sendingu þar sem viðkomandi gat enga björg sér veitt og oft erum við beðnar um að ganga beint inn þar sem fólk kemst ekki til dyra, jafnvel inn að rúmi fólks til þess að skipta um bókapoka. Þá höfum við í mörg ár látið eitthvað góðgæti fylgja síðustu sendingunni fyrir jól.

Okkur þykir vænt um fólkið okkar sem margt hefur fengið sendingar árum saman og er orðið að góðum vinum. Blessunarorðin og þakklætið sem við fáum yljar okkur um ókomna tíð. 

Um 49 manns fengu sendar heim tæplega 7.000 bækur/hljóðbækur á síðasta ári og til gamans má geta þess að sá einstaklingur sem fékk flestar bækur á árinu fékk 444 titla. Gera má ráð  fyrir að verðmæti sem felst í þessu vinnuframlags sé að lágmarki hálf milljón króna á ári.

Hólmfríður Andersdóttir Soroptimisti og bókavörður.