Verkefnið "Vinkonur um veröld alla" hefur verið í gangi síðastliðið ár, þó viðburðir hafi verið færri en til stóð, vegna ytri aðstæðna.

Laugardaginn 28. maí 2022 hittumst við í Seyðisfjarðarkirkju.  Þar voru saman komnar konur frá Íslandi, Úkraínu, Danmörku, Georgíu, Póllandi, Tékklandi, Þýskalandi, ogHollandi. 

Sigga Dís bauð konur velkomnar og síðan tóku við ýmsir listamenn. Áslaug Sigurgestsdóttir kvað rímur.

Rusa Petriashvili frá Georgíu söng lög frá Georgíu og Úkraínu við eigin undirleik.  Einnig spilaði hún Úkraínska þjóðsönginn á kirkjuorgelið.

Síðan var farið í Safnaðarheimilið þar sem bornar voru fram veitingar sem komu úr ýmsum áttum.

Karen Helga Ómarsdóttir hlaut hvatningarverðlaun Soroptimistaklúbbs Austurlands við útskrift úr ME 20. maí 2022.

Verðlaunin eru veitt fyrir góðan árangur sem náðst hefur þrátt fyrir erfiðar aðstæður.

Þann 4. maí 2022 afhenti formaðurinn okkar,  Eygló Daníelsdóttir,   Seyðisfjarðarskóla vinnuborð fyrir nemanda með sérþarfir.  Borðið var keypt fyrir ágóða af sölu kærleikskúla og jólaóróa sem við seljum á hverju ári.

Þórunn Hrund Óladóttir skólastjóri tók á móti borðinu.

Ragnhildur Billa, Þorgerður, Lukka og Bára Mjöll voru einnig viðstaddar.

Hvatningarverðlaun Soroptimistaklúbbs Austurlands voru afhent við útskrift nemenda ME í desember. Verðlaunin er veitt nemendum sem hafa sýnt þrautseigju og lokið námi þrátt fyrir ýmsa erfiðleika á námstímanum.

Að þessu sinni fengu verðlaunin þær Líney Petra Hugadóttir og Valdís Theódóra Ágústsdóttir.

Námskeiðið Þú og þinn styrkur var haldið þ. 16. október síðastliðinn. Það er í annað sinn sem 12 ára stúlkum í Múlaþingi var boðið að taka þátt í því á vegum klúbbsins.Það var haldið í Hlymsdölum að þessu sinni og mættu 15 stúlkur úr þremur skólum. Fyrir utan okkur þrjár sem kenndum á námskeiðinu voru nokkrar vaskar systur sem sáu um veitingarnar og voru til taks ef eitthvað kæmi upp á.

Komið með !