Systur úr Kópavogsklúbbi héldu nóvemberfundinn sinn á zoom klæddar í appelsínugulan lit til þess að minna á 16 daga átakið „Roðagyllum heiminn“ sem hefst 25. nóvember nk. Tilgangur átaksins er að efla vitundarvakningu gegn kynbundnu ofbeldi á konum.

Flutt var mjög fróðlegt erindi á fundinum varðandi ofbeldi gegn konum sem Sigþrúður Guðmundsdóttir forstöðukona Kvennaathvarfsins flutti. Fékk hún fjölda fyrirspurna.

8. júní 2020 var haldinn fundur í sal siglingaklúbbsins Ýmis í Kópavogi eftir samkomubann vegna Covid. Mikil ánægja var hjá systrum að hittast aftur. Haldið var upp á 45 ára afmæli klúbbsins með veislumat og skemmtun. 4 nýjar systur voru teknar inn í klúbbinn.

Anna María Soffíudóttir frá Bókasafni Kópavogs kom í heimsókn og færði klúbbnum súkkulaði og blóm sem þakklætisvott fyrir framlag klúbbsins við bókaútburð.

Mánudaginn 10. febrúar fékk  klúbburinn heimsókn frá systrum úr Fella- og Hólaklúbbi. Fundurinn var haldinn í sal á Veðurstofu Íslands.  María Björk Yngvadóttir talskona Soroptimistasambands Íslands kom á fundinn og sagði frá starfi sínu fyrir sambandið og annað í tengslum við störf Soroptimista. Báðir klúbbar voru með í sölu fjáröflunarvarning. Fjáröflunarnefnd Kópavogsklúbbs var í fyrsta sinn að kynna vörur sem komu frá fangelsinu að Hólmsheiði.

Hafdís fór yfir þríhyrninginn og benti á að klúbbarnir væru alltaf að vinna innan Skipurits Soroptimista.

Fimmtudaginn 6. febrúar 2020 afhenti stjórn Arnarskóla styrk frá klúbbnum sem var afrakstur söfnunar á jólafundinum. Stjórnin fékk góða kynningu á starfsemi skólans frá Maríu Sigurjónsdóttur fagstjóra skólans. Þakkaði hún vel  fyrir styrkinn fyrir hönd skólans sem kemur að góðum notum. Á myndinni er María Sigurjónsdóttir ásamt fulltrúum úr stjórn .

Mánudaginn 20. janúr fór klúbburinn á fund með Grafarvogssystrum í Borgum félagsmiðstöð í Spönginni. Fundinum hafði verið frestað um viku vegna veðurs. Hefðbundin dagskrá var haldin. Sigurós Þorgrímsdóttir var með jákvæðar fréttir fyrir hönd Kópavogsklúbbs þar sem hún sagði m.a.  frá verkefnum Kópavogssystra og heimsókn systra í Kvennafangelsið að Hólmsheiði þar sem afhentar voru tvær saumavélar. Báðir klúbbar voru með í sölu fjáröflunarvarning. Ingibjörg Jónasdóttir landssambandsforseti kom í heimsókn á fundinn.

Steinunn Kristjánsdóttir fornleifafræðingur hélt fróðlegt erindi sem hét „Aftökur á konum hérlendis á síðari öldum“

Soroptimistaklúbbur Kópavogs fór í heimsókn á Hólmsheiði og afhentu fangelsinu tvær saumavélar að gjöf ásamt saumaefni.
Saumavélarnar munu koma að góðum notum til að bjóða fleiri föngum upp á fjölbreyttari og uppbyggilegri vinnu.