Mánudaginn 20. janúr fór klúbburinn á fund með Grafarvogssystrum í Borgum félagsmiðstöð í Spönginni. Fundinum hafði verið frestað um viku vegna veðurs. Hefðbundin dagskrá var haldin. Sigurós Þorgrímsdóttir var með jákvæðar fréttir fyrir hönd Kópavogsklúbbs þar sem hún sagði m.a.  frá verkefnum Kópavogssystra og heimsókn systra í Kvennafangelsið að Hólmsheiði þar sem afhentar voru tvær saumavélar. Báðir klúbbar voru með í sölu fjáröflunarvarning. Ingibjörg Jónasdóttir landssambandsforseti kom í heimsókn á fundinn.

Steinunn Kristjánsdóttir fornleifafræðingur hélt fróðlegt erindi sem hét „Aftökur á konum hérlendis á síðari öldum“

Soroptimistaklúbbur Kópavogs fór í heimsókn á Hólmsheiði og afhentu fangelsinu tvær saumavélar að gjöf ásamt saumaefni.
Saumavélarnar munu koma að góðum notum til að bjóða fleiri föngum upp á fjölbreyttari og uppbyggilegri vinnu.

Systur í Kópavogsklúbbi klæddu sig upp í appensínugulan lit á síðasta klúbbfundi til að sýna stuðning í 16 daga vitundarvakningu frá 25. nóvember til 10. desember gegn kynbundnu ofbeldi.

Aðalfundur var haldinn að Kríunesi mánudaginn 14. október.

Nýjar systur komu inn í stjórnina. Næsti formaður verður Signý Þórðardóttir, Erla Alexandersdóttir varaformaður, Margrét Guðjónsdóttir ritari, Guðrún Pálsdóttir gjaldkeri og Rósa Magnúsdóttir meðstjórnandi

Soroptimistaklúbbur Kópavogs vann Best pratice awards á sendifulltrúafundinum í Zagreb fyrir verkefnið sitt : Að styrkja einstæðar mæður í Kópavogi í flokknum Women Emporverment.

Á myndinni er Margrét formaður með verkefnastjórunum
Sigurrósu og Björgu með viðurkenninguna góðu.