Jólafundur Soroptimistaklúbbs Kópavogs var haldinn 12. desember sl. Það var góð mæting á jólafuninn eða um 40  systur, auk átta gesta sem komu á fundinn til að kynna sér starfsemi klúbbsins. Skemmtinefndin sá um dagskrána, söngur og gítarleikur, Ninný las upp skemmtisögu og haldið var happadrætti. Fjáröflun klúbbsins að þessu sinni þ.e. síldarsalan hefur gengið mjög vel. Búið er að kaupa Bónuskort fyrir bágstadda í Kópavogi sem búið er að útdeila til prestanna í Kópavogi. Ákveðið var að safna peningum fyrir jólagjöfum handa börnum í stað þess að vera með jólapakka handa hver annarri. Einnig á að kaupa gjafir fyrir flóttafólk frá Úkraníu. Síðan var sungið saman í lok fundar. Yndisleg samvera og hátíðleg. 

Lindarkirkja hefur verið lýst upp í roðagylltum lit til að vekja athygli á 16 daga alþjóðlega átakinu okkar að roðagylla heiminn.   "Þekktu rauðu ljósin - Soroptimistar hafna ofbeldi" er slagorð íslenskra Soroptimista í 16 daga átakinu að þessu sinni. Átakið sem leitt er af Sameinuðu þjóðunum og er alþjóðlegt hefst 25. nóvember og því lýkur 10. desember.
Um allan heim sameinast hin ýmsu samtök í því að vekja athygli á kynbundnu ofbeldi með ýmsum hætti en roðagylltur litur er einkenni átaksins, #roðagyllumheiminn, #orangetheworld, en hann á að tákna bjartari framtíð.
Markmið 16 daga átaksins að þessu sinni er að beina athyglinni að forvörnum og fræðslu og hafa Soroptimistar útbúið fræðsluefni um hinar ýmsu myndir ofbeldis sem flokka má í sex flokka:
andlegt ofbeldi, líkamlegt ofbeldi, kynferðislegt ofbeldi, fjárhagslegt ofbeldi, stafrænt ofbeldi og eltihrellir. Ekki er alltaf auðvelt að átta sig á því að um ofbeldi sé að ræða í samböndum fólks en það getur átt sér stað óháð kyni, aldri og kynhneigð.

Júnífundur Soroptimistaklúbbs Kópavogs var haldin í Lækjarbotnum þar sem klúbburinn hefur oft haldið sína júnífundi. Klúbburinn hefur verið að rækta upp í  Lækjarbotnum við Selfjall frá 1993. Nokkrar myndir frá fundinum.

10 systur frá Soroptimistaklúbbi Kópavogs mættu á Landssambandsfund á Snæfellsnesi dagana 22. -  24. apríl 2022. 

Ný systir var boðin velkomin í Kópavogsklúbbinn mánudaginn 4. apríl sl. Hún heitir Helga Björg Hallgrímsdóttir. Helga starfar sem fræðslufulltúi hjá Iðan fræðsluseti. Með henni á myndinni era Helga Björk Ragnarsdóttir, meðmælandi og Þóra Guðnadóttir formaður og Margrét Halldórsdóttir varaformaður.

Jólafundur var haldin á Catalínu 14. desember sl. Skemmti- og ferðanefnd sá um skemmtidagskrá.  Ninný las sögu fyrir okkur systur í anda jólanna og systir okkar hún Guðrún Lóa sá um söng ásamt dóttir sinni Elfu Dröfn.  Að lokum kom Sólveig Pálsdóttir systur okkar frá Soroptimistaklúbbi Seltjarnarness  og las upp úr nýjustu bók sinni  "Skaði"   

Í stað þess að vera með pakkaleik lögðu systur í samskotabauk til styrktar góðu málefni og var ákveðið að Dvöl/ samfélagshús nyti þess í þetta sinn.