Kópavogssystur hittust á nóvemberfundi 13. nóvember á Catalínu þar sem systur klæddust appelsínugulu í tilefni af 16 daga átakinu. Á fundinum las Sigurrós Þorgrímsdóttir systir okkar upp úr bók sinni Katrínu sem hún var að gefa út. Í bókinni fjallar Rósa um ömmu sína.
Ida Semey frá Tröllaskagaklúbbnum var gestur á fundinum og sagði okkur frá hvað systur í Tröllaskagaklúbbnum gera til afla peninga til að styrkja aðra.
Að lokum kom Drífa Snædal talskona Stígamóta og sagði okkur frá starfsemi Stígamóta. Kópavogsklúbbur afhenti styrk til Stígamóta
Soroptimistaklúbbur Kópavogs selur appelsínugular nellikur í tilefni átaksins ,,Roðagyllum heiminn“. Vöndurinninn kostar 2.900 kr. Ágóðinn rennur til Stígamóta
Soroptimistaklúbbur Kópavogs og Soroptimistaklúbbur Seltjarnarness héltu sameiginlegan vinnustaðafund 3. apríl sl. á vinnustað tveggja systra Önnu Hugrúnu frá Kópavogsklúbbi og Sigrúnar Eddu frá Seltjarnarnesklúbbnum. Tryggingastofnun ríkisins var heimsóttur. Farið var yfir hefðbundna dagsrká og síðan fengu systur kynningu á starfsemi Tryggingastofnununar. Alltaf gaman að hitta aðrar systur úr öðrum klúbbum.
Forseti Landssambandsins Sigrún Þorgeirsdóttir kom í heimsókn til Kópavogsklúbbs. Hún sagði okkur frá því helsta sem hún vill að stjórnin beini sjónum sínum að þ.e að grunnstoðunum fjórum sem við minnumst í hvert skipti sem við kveikjum á kertum á fundum. Stjórn sambandsins ætlar líka að leggja sérstaka áherslu á að kynna Evrópusamband Soroptimista í tilefni af því að systir okkar, Hafdís Karlsdóttir í Kópavogsklúbbi, tekur við embætti forseta þar í byrjun næsta árs. Einnig talaði hún um að einnig væri áhugi á því að kynna starfið á vettvangi Alþjóðasambands Soroptimista í tilefni af næsta heimsþingi Soroptimista í Dublin í lok júlí nk.
Á myndinni er Sigrún Þorgeirsdóttir forseti ásamt Þóru Guðnadóttir formanni
Þrjár nýjar systur voru boðnar velkomnar í klúbbinn þær Kristín Bryndís Guðmundsdóttir, Gerður Sigurðardóttir og Sigrún Halldórsdóttir. Stilltu þær sér upp í hefðbundna myndatöku með sínum meðmælendum og formanni.
Aðalfundur Soroptimistaklúbbs Kópavogs var haldin mánudaginn 16. janúar 2023. Tvær systur gengu úr stjórn og voru þeim færðar rósir. Á myndinni hér fyrir neðan eru þær sem gengu úr stjórn Hulda Skúladóttir og Kristín Helga Ólafsdóttir ásamt formanni Þóru Guðnadóttur
Þrjár nýjar systur voru boðnar velkomnar í klúbbinn þær Jónína Árnadóttir Linda Björk Hlynsdóttir og Steinunn Tryggvadóttir. Stilltu þær sér upp í hefðbundna myndatöku með sínum meðmælendum.
