Soroptimistaklúbbur Kópavogs færir Kvennafangelsinu á Hólmsheiði gjöf
Soroptimistaklúbbur Kópavogs fór í heimsókn á Hólmsheiði og afhentu fangelsinu tvær saumavélar að gjöf ásamt saumaefni.
Saumavélarnar munu koma að góðum notum til að bjóða fleiri föngum upp á fjölbreyttari og uppbyggilegri vinnu.
Á meðfylgjandi mynd eru félagar úr Soroptimistaklúbbi Kópavogs, Margrét Frímannsdóttir, Erla Alexandersdóttir, Margrét Guðjónsdóttir, Sigurrós Þorgrímsdóttir og Auður Margrét Guðmundsdóttir fangavörður og verkstjóri á Hólmsheiði sem tók við gjöfinni.