Kirkjukaffið í Seljakirkju á uppstigningardag 2023 var öðru sinni í sameiginlegri umsjón Bakka og Selja klúbbs og Kvenfélags Seljakirkju. Viðburðurinn var afar vel sóttur og veitingar glæsilegar.  Fjöldi gesta er orðinn það mikill á þessum degi aldraðra að þessi tvö félög ráða vart við það ein og sér. Klúbburinn þakkar fyrir aðstöðuna í kirkjunni með því að aðstoða við þennan atburð, en ekki má vanmeta það að hafa alltaf aðgang að safnaðarheimilinu til fundahalda. Verkefnastjórar klúbbsins voru í forsvari þetta árið með dyggri aðstoð systra.

Á klúbbfundi þann 12. apríl 2023 ræddum við innra starf klúbbsins og litum í baksýnisspegilinn. Sex stofnfélagar okkar og þrjár, sem voru stofnfélagar í öðrum klúbbum, skiptu með sér að líta í baksýnisspegilinn og sögðu okkur frá því hvernig umhorfs var í hverfinu okkar og starfinu fyrstu árin, sömuleiðis frá helstu verkefnum og ýmsu áhugaverðu sem gaman var að minnast. Myndasería fékk svo að renna yfir skjáinn.
Systur greiddu síðan atkvæði um hvert skyldi stefna í framtíðinni í verkefnavali og ræddu síðan í hópum um hver næstu skref yrðu.

Systur sáu um Alzheimerkaffið 23 .mars 2023 í Hæðargarði. Margar systur lögðu til bakkelsi og/eða voru á staðnum. Jóhanna Friðriksdóttir er tengiliður klúbbsins þakkar systrum fyrir, þeirra framlag. Veitingunum var vel tekið og var nóg handa öllum.

Febrúarfundurinn  þann 8. febrúar 2023 hófst með afar áhugaverðu erindi Vilborgar Gunnarsdóttur, framkvæmdastjóra Alzheimersamtakanna og Seiglunnar.

Ný systir, Helga Sigurjónsdóttur, var tekin inn í klúbbinn og Vigdís Pálsdóttir var með stutt erindi „Veistu að...?“  og sýndi okkur nokkrar greinar í Fregnum um Heiðmerkurlundinn og dvöl sína með Soroptimistum í Kaliforníu. Síðan voru nokkrar líflegar umræður um mál á döfinni. Umfjöllunarefni erindis fellur undir flokkinn Heilsa og fæðuöryggi.