Teppi afhent á Vættaborgum

Fimmtudaginn 25. janúar 2018 fórum við í Vættaborgir og afhentum teppin sem systur hafa heklað og prjónað. Mikil ánægja var með teppin og tekið vel á móti okkur.

Það var virkilega gaman að koma á heimili kvennanna sem þarna búa og sjá hvað hugsað er vel um þær. Þær búa allar í sinni íbúð og afhentum við hverri og einni sitt teppi. Íbúarnir eru Fífa Garðarsdóttir, Ásbjörg Elín Kristjánsdóttir, Íris Ósk Sigurðardóttir, Kristín Helga Jóhanssen, Ólafía Ágústdóttir og Ragna Sif Sigurðardóttir. Forstöðumaður er Erla Björgvinsdóttir og deildarstjórinn Anna María Steindórsdóttir.