Júnífundur Soroptimistaklúbbs Kópavogs var haldin í Lækjarbotnum þar sem klúbburinn hefur oft haldið sína júnífundi. Klúbburinn hefur verið að rækta upp í  Lækjarbotnum við Selfjall frá 1993. Í ár var klúbbnum úthlutað stærra svæði við Selfjall og var ákveðið í tilefni af 100 ára afmæli Soroptimistahreyfingarinnar að gróðursetja 100 tré , reynivið og birki.

Soroptimistar um allt land hafa verið að planta trjám í sinni heimabyggð  til að minnast þessara tímamóta. og tengja við kvenréttindadaginn 19. júní, heimsmarkmið Sameinuðu þjóðanna og að hvatningu Alþjóðasambands Soroptimista undir kjörorðinu; „að velja að vaxa"

Signý formaður er búin að skrifa grein í Kópavogspóstinn og Kópavogsblaðið til að segja frá þessu framtaki okkar.

 Vaskur hópur systra við gróðursetningu

Elstu og yngstu soroptimistasysturnar

Febrúarfundurinn var haldin á Zoom og var þetta sjötti fundurinn sem við héldum á þennan hátt. Á fundinn kom Þuríður Hermannsdóttir skólastyrksþegi SIE 2019-2020 og sagði okkur frá námi sínu í dýralækningum í Slóvakíu. Kópavogsklúbbur og Soroptimistaklúbburinn við Húnaflóa  mæltu með henni til skólastyrksnefndar. Hún sagði okkur hvernig styrkurinn hefur hjálpað henni til að ná sínu draumamarkmiði við að verða dýralæknir en hún mun útskrifast í vor.

Janúarfundurinn var að þessu sinni haldinn á Zoom. Var það í fimmti fundurinn sem við höldum  á þann hátt. Hafdís Karlsdóttir flutti erindi um Soroptimistahreyfinguna. Formenn fjáröflunar og skemmti-og ferðanefndar kynntu uppfærðar starfslýsingar.

Jólafundur Kópavogssystra var að þessu sinni fjarfundur á Zoom. Flestar systur klæddust rauðu. Dagskráin var í umsjón skemmti- og ferðanefndr. Ninný las jólasögu og ung hjón þau Ingibjörg og Siggi fluttu ljúfa tóna. Að lokum skáluðu systur og óskuðu hvor annari gleðilegra jóla.

Í Kópavogspóstinum sem kom út miðvikudaginn 2. desember sl. birtist grein eftir Sigurrósu Þorgrímsdóttur og Margréti Kjartansdóttur verkefnastjóra klúbbsins um 16 daga átakið um Roðagylltan heim.  Verkefnið varir frá 25. nóvember til 10. desember á Mannréttindadegi Sameinuðu þjóðanna. Greinina er hægt að lesa í heild sinni inn á facebook síðu klúbbsins og eins í blaðinu sjálfu.