Helstu verkefni fjáröflunarnefndar árið 2023 er sala á söluvörum klúbbsins. 

Holtasóley nælan er nú þegar komin í umboðsölu hjá Snorrastofu í Reykholti og í Lín Design á Smáratorgi og er verið að kanna hvort fleiri sölustaðir hafi áhuga að taka hana í sölu.

Ef systur hafa einhver tök eða þekkja til söluaðila endilega kannið hvort áhugi sé fyrir að styrkja við bakið á klúbbnum, nælan kostar 2500 kr og ber ekki virðisaukaskatt og fer allur ágóði til styrktar góðum málefnum.

Það var fríður hópur Bakka- og Seljasystra sem mætti á Kjarvalsstaði í kaffisamsætið með henni Guggu okkar þann 17. september 2019.

Þann 11. september 2019 afhenti Kristín Norðfjörð, verkefnastjóri hjá Bakka- og Seljaklúbbi, Kvennaathvarfinu styrk frá klúbbnum að upphæð tveggja milljóna króna sem ætlaður er nýbyggingu Kvennaathvarfsins.  Sigþrúður Guðmundsdóttir, framkvæmdastýra,  og Elín Jónsdóttir, stjórnarkona, veittu styrknum viðtöku fyrir hönd Kvennaathvarfsins.  Sigþrúður þakkaði styrkinn og veitti systrum dýrmæta innsýn í starf Kvennaathvarfsins með áhugaverðu erindi.