• Útskriftarverðlaun

  • Könglaklenging

  • Sundlaugarlyftan

  • Plöntuflokkun

    Tvær nýjar systur !

    nyjar systurTvær nýjar systur voru teknar með formlegum hætti inn í klúbbinn á nóvemberfundinum.  Erla Björk Jónsdóttir og Sólveig Anna Jóhannsdóttir. Erla er 43 ára prestur, fædd og uppalin í Garðabæ og býr nú á Reyðarfirði. Sólveig Anna er fædd og uppalin í Hrísey. Sólveig býr í Fellabæ og vinnur sem leikskólaliði.

    Frá vinstri: Erla Björk, Sólveig Anna og Kristjana Björnsdóttir formaður.

    Stóll fyrir iðjuþjálfun

    stoll1Þann 3. nóvember 2021 fór fram formleg afhending vinnustóls til endurhæfingadeildar HSA. Stóllinn var keyptur á síðasta starfsári en vegna covid var ekki hægt að afhenda hann fyrr, stóllinn sem kostaði kr. 936,589 með VSK (fæst endurgreiddur) var fjármagnaður af sölu kærleikskúlu og jólaóróa.
    Vinnustóllinn mun nýtast fötluðum börnum og ungmennum sem sækja iðjuþjálfun á endurhæfingadeild HSA. Það var systir okkar Eygló Daníelsdóttir, iðjuþjálfi sem valdi stólinn og tók á móti honum ásamt Þórörnu Gró Friðjónsdóttur rekstrarstjóra HSA á Egilsstöðum og Vopnafirði.

    Vetrarstarfið hafið

    Fyrsti fundur haustsins var að venju á Borgarfirði eystra. Vel var mætt og vel var tekið á móti okkur.  Farið var í heimsókn í fyrirtækið Íslenskur Dúnn, þar sem framleidd eru rúmföt úr íslenskum æðardún. Ánægjulegt að hittast aftur í raunheimum.

    Jóhanna flogin suður

    johannahOkkar ágæta systir Jóhanna G. Hafliðadóttir er flutt til Reykjavíkur.  Jóhanna hefur verið forstöðumaður Bókasafns Héraðsbúa um árabil og ötul í félagsstarfi ýmis konar. 

    Hún tók virkan þátt í starfi okkar Soroptimista og komum við til með að sakna hennar mjög.