Á klúbbfundi 1. mars sl. voru tvær nýjar systur teknar inn í klúbbinn okkar. 

Þær heita Guðný Sigrún Baldursdóttir leikskólaliði, búsett í Fellabæ og Kristín Högnadóttir kynjafræðingur, búsett á Egilsstöðum.

Það er alltaf ánægjulegt að fá nýjar konur í klúbbinn og bjóðum við þær stöllur hjartanlega velkomnar.

Með þeim á myndinni er formaðurinn okkar, Kristjana Björnsdóttir.

Aðalfundur klúbbsins var haldinn í Hlymsdölum 11.jan 2023.  Ný stjórn tók til starfa og einnig fulltrúar og verkefnastjórar.  Eins og sjá má er þetta föngulegur hópur tilbúinn til góðra verka.

Á jólafundinum okkar í byrjun desember bættist ein ný systir í hópinn.  Hún heitir Unnur Birna Karlsdóttir. Með henni er formaðurinn okkar, Kristjana Björnsdóttir.

Tvær nýjar systur voru teknar með formlegum hætti inn í klúbbinn á nóvemberfundinum.  Erla Björk Jónsdóttir og Sólveig Anna Jóhannsdóttir. Erla er 43 ára prestur, fædd og uppalin í Garðabæ og býr nú á Reyðarfirði. Sólveig Anna er fædd og uppalin í Hrísey. Sólveig býr í Fellabæ og vinnur sem leikskólaliði.

Frá vinstri: Erla Björk, Sólveig Anna og Kristjana Björnsdóttir formaður.

Fyrsti fundur haustsins var að venju á Borgarfirði eystra. Vel var mætt og vel var tekið á móti okkur.  Farið var í heimsókn í fyrirtækið Íslenskur Dúnn, þar sem framleidd eru rúmföt úr íslenskum æðardún. Ánægjulegt að hittast aftur í raunheimum.

Okkar ágæta systir Jóhanna G. Hafliðadóttir er flutt til Reykjavíkur.  Jóhanna hefur verið forstöðumaður Bókasafns Héraðsbúa um árabil og ötul í félagsstarfi ýmis konar. 

Hún tók virkan þátt í starfi okkar Soroptimista og komum við til með að sakna hennar mjög.