• Sá litli á Breiðinni

  • Stjórn 2018-2019

  • Fjör á fundi

  • Langisandur

    ROÐAGYLLUM HEIMINN- BURTU MEÐ OFBELDI

    Soroptimistar á Akranesi og nágrenni hafa í ár tekið höndum saman með Soroptimistasystrum um land allt við að vekja athygli á mikilvægi þess að vinna markvisst að útrýmingu kynbundins ofbeldis.

    Nú stendur yfir 16 daga ákall Sameinuðu þjóðanna (SÞ), þar sem ríki, stofnanir, samtök, fyrirtæki og einstaklingar eru hvött til að taka þátt í því að draga athygli almennings að þessari vá; þessum alvarlegu mannréttindabrotum.  Þetta er árvisst átak sem hefst 25. nóvember, degi sem Sameinuðu þjóðirnar völdu sem alþjóðlegan dag vitundarvakningar um ofbeldi gegn stúlkum og konum. Því lýkur á mannréttindadegi SÞ 10. desember, sem jafnframt er alþjóðlegur dagur Soroptimista.  

    Fuglafóður og 16days

     Táknlitur átaksins er appelsínugulur, litur vonar. Á ensku er slagorðið Orange the world eða Roðagyllum heiminn. Liturinn var valinn til að minna okkur á að eftir sólsetur rís sólin upp að nýju.  Það má því víða sjá roðagyllt hús, tanka og torg í tilefni þessa mikilvæga málefnis og ljósagöngur farnar í bæjum og borgum.

    Continue reading

    Fréttir af Akranesi sumarið 2019

    Helstu tíðindi af Akranessystrum eru þau að farið var í vorferð um Kjósina, sem eru mínir heimahagar og fékk ég það eðla hlutverk að segja frá því sem fyrir augun bar. Byrjuðum í bjórsmakki á Kalastöðum og enduðum í vöfflukaffi hjá þeim kjarnakonum sem voru að undirbúa Vindáshlíð fyrir komu ungra stúlkna sem margar hverjar eru að stíga þarna mörg hugrekkis og gleðiskref, kynnast öðrum stelpum, sofa að heiman og eflast af ráðum og dáð. Lilja Guðlaugs systir okkar var þarna mörg sumur þannig að hún tók að sér að rifja upp sögu þessa framtaks KFUK, sem unnið var mikið í sjálfboðavinnu.

     Soro vorferd 2019 4             Soro vorferd 2019 3            Soro vorferd 1 2019

    Lokahnykkur þessa starfsárs er svo í höndum verkefnastjóranna okkar, sem eru að vinna í því að við styrkjum tvær stúlkur í Malaví til náms í kennarafræðum. Þetta er gert með dyggri aðstoð Kristjönu verkefnastjóra á Þróunarsviði Utanríkisráðuneytisins í Malaví. Fyrr í vor voru öllum heimilum í Kankhande þorpinu „okkar“ í Mangochi héraði í Malaví færðar orkusparandi og umhverfisvænni hlóðir að gjöf frá okkur, en um 270 heimili var að ræða.

    Hlóðir 4

    Á heimavettvangi fékk stúlka í Fjölbrautarskóla Vesturlands bókaverðlaun fyrir árangur í náttúrufræði og við ákváðum líka að stuðla að lýðheilsu með því að gefa bekk til að setja við göngustíg við Langasand. Þar er líka um boðun að ræða þar sem bekkurinn verður merktur okkur.

    Sigríður Gísladóttir, varaformaður Akranessklúbbs.