Þú og þinn styrkur 2024
Námskeiðið "Þú og þinn styrkur" var haldið 20. janúar 2024 í Hlymsdölum. Þátttakendur voru 15 stúlkur fæddar árið 2011 úr grunnskólum í Múlaþingi. Leiðbeinendur voru sem fyrr Jónína Kristjánsdóttir, María Kristmundsdóttir og Eygló Daníelsdóttir. Hádegisverður og miðdegishressing voru í boði okkar systra og fengum við sendar ljúffengar veitingar frá Bókakaffi.
Þetta er í 4ða skiptið sem Soroptimistaklúbburinn stendur fyrir þessu námskeiði og við höfum verið svo heppnar að hafa sömu kennarana í öll skiptin. Mikil ánægja hefur verið með námsefnið, bæði hjá stúlkunum og foreldrum þeirra og er áhugi okkar Soroptimistasystra mikill að halda þessu verkefni áfram.